moü

“Publico” jurnalı bu sınaqların nəticəsində yaranan siçanları “ölümsüz siçanlar” adlandırıb. “El Mundo” isə həmin siçanları 80-ci illərin cizgi filminin qəhrəmanı olan “super-siçanlara” bənzədir. “ABC” qəzeti “120 yaşlı gənclər” məqaləsində oxuculardan soruşur: “Siz nəvələriniz və uşaqlarınızın 120 yaşına qədər yaşamasını istərdiniz? Bu zaman onlar yaşla əlaqəli xəstəliklərdən və halsızlıqlardan xilas olaraq çox gözəl formada olacaqlar”. Və özü də öz sualına cavab verir: “Əgər sizin cavabınız müsbətdirsə, onda sizin bəxtiniz gətirib”.

Mariya Blaskonun rəhbərlik etdiyi alimlər qrupu xüsusi laboratoriya şəraitində tədqiqat apararaq sağlam, adi siçanlardan 40 faiz çox yaşan xüsusi siçanlar yetişdiriblər. Bu siçanların adi siçanlardan yeganə fərqi onların uzun yaşaması və sağlam olmasıdır. Blasko kəşfin insanlara tətbiq edilə biləcəyini güman edir: “Bu o deməkdir ki, insanların ömrünü 115 və hətta 120 ilə qədər artırmaq olar”.