moü

Qurani-Kərimdə müxtəlif cür xitablar mövcuddur. Bu xitabların hamısı dirilərə ünvanlanmışdır. Bu xitablar içərisində möminlərə, kafirlərə, müşriklərə, münafiqlərə və.s xitab olunur. Amma Qurani-Kərimin heç bir yerində ölülərə xitab olunmur. Çünki Qurani-Kərim bir hidayət rəhbəridir. Ölülərin bu rəhbərdən faydalanma imkanları ortadan qalxmışdır. Hətta bidətçilərin ölülələrə oxudqları Yasin surəsinin 70-ci ayəsində belə “diriləri qorxutmaq üçün” Quranın vəhy edildiyindən bəhs edilir. Amma bidətçilər bu ayəni görməməzliyə vurub, atalarının izi ilə yürüyərək Quranın dirilər üçün olduğunu anlamaq istəmillər.

Uca Allah bu barədə Qurani-Kərimdə belə buyurur: “Onlara: "Allahın nazil etdiyinə tabe olun!"– deyildikdə, onlar: "Xeyr, biz atalarımızın tutduğu yolu tutacağıq!"– deyirlər. Bəs ataları bir şey anlamayıb doğru yola yönəlməyiblərsə necə?” (Bəqərə, 170)

Bidətçilər uydurulmuş hədisləri və atalarından nəql edilən yalnış qiyasları təmizə çıxartmaq üçün “dua oxumaq Quran oxumaqla eyni şeydir” deyə təvil etmişlər.

Lakin uca Allah Qurani-Kərimdə bizdən öncə vəfat etmiş möminlər üçün dua etməyin qaydasını göstərmişdir. Uca Allah Qurani-Kərimdə belə buyurur: “Səhabələrdən sonra gələnlər deyirlər: "Ey Rəbbimiz! Bizi və bizdən əvvəlki iman gətirmiş qardaşlarımızı bağışla...” (Həşr,10)