Qəzet iddia edir ki, məlumatı onlara “əl-Qaida”nın keçmiş komandirlərindən biri verib. Təhlükəsizlik baxımından adını gizli saxlayan mənbə ABŞ-a yeni hücumun dünyanın siyasi və iqtisadi mənzərəsini dəyişəcəyini vurğulayıb: “Hücum yaxın gələcəkdə həyata keçiriləcək”. O, bin Ladenin ərəb dünyasındakı bütün iri özəklərə xəbərdarlıq göndərərək yerli hökumət orqanları ilə əlaqələr qurmamağı tapşırdığını və son 5 ay ərzində keçirilən danışıqların nəticələrinin ləğv edildiyini bildirdiyini vurğulayıb. “Əl-Qaidə” liderinin növbəti addımlarını yaxın günlərdə açıqlayacağı gözlənilir.

Yəmən təhlükəsizlik orqanlarının keçmiş yüksək vəzifəli əməkdaşı da terror qruplaşmalarının yüksəliş mərhələsində olduqlarını bildirib: “Onlar tərəfdarlar toplayırlar və bütün dünyadakı düşərgələrini təkmilləşdirirlər”.