Müsəlman qardaşım və bacım!
Bu gün bir çox müsəlmanlar qeyri müsəlmanların bayramlarına şərik olmağı adət etmişlər. Belə bayramlardan İsa Məsihin (Ona Allahın salamı olsun) – əslində heç xaçpərəstlərin də dəqiq bilmədikləri – doğum gününü, yaxud qeyri müsəlmanların özlərinə tarix seçdikləri yeni ilin gəlişi ilə keçirilən münasibətləri qeyd etmək olar.
Artıq bəzi müsəlmanlar adı keçən bayramları qeyd etməyi özlərinə adət etmişlər – Allah onlara hidayət versin! Demək onlar bu bayramlarda qeyri müsəlmanların sevincinə şərik olur, onlarla bərabər sevinirlər!
Bu bayramlar içki, zina, fahişəlik və s. bu kimi fitnə-fəsadla, böyük günahlarla bəzədilməklə yanaşı müsəlmanın əqidəsinə də xələl gətirən amillərdəndir. Belə ki, bu bayramların keçirilməsi ilə bir müsəlman özünü qeyri müsəlmanlara bənzədir, onların adət-ənənələrini sevmiş olur. Bu isə öz növbəsində qeyri müsəlmanların güclənməsinə, tutduqları səhv yol ilə fəxr etmələrinə gətirib çıxarır...