AXI AĞIZ DOLUSU İNSAN HÜQUQLARINDAN DANIŞANLAR HANI?
Bəzi təhsil müəssisələrində hicab bağlayan müəllimə və şagirdlərə qarşı mübarizə davam edir. 76 saylı orta məktəbdə hicab bağlayan 6 müəllimə, 8 şagird müəssisədən kənarlaşdırılıb. 280 saylı məktəbdə isə 1 müəllimə dərsə buraxılmayıb, 7 şagirdə xəbərdarlıq edilib. 253 saylı məktəbdə hicabın açılmasına etiraz edən şagird təhsil almaqdan imtina edib. Bu barədə Qadın Krizis Mərkəzindən məlumat verilib. Mərkəzdən bildiriblər ki, 253 saylı məktəbin hicablı şagirdi direktorun xəbərdarlığına maraqlı etiraz nümayiş etdirib: "Rəsm müsabiqələrinin qalibi olmuş şagirdin çəkdikləri hətta direktorun kabinetində belə asılıb. Hicabın açılması xəbərdarlığına etiraz edən şagird isə məktəbdən asılmış bütün rəsmlərinin çıxarılmasını tələb edib". Mərkəzə müraciət edənlər dini inanclarına görə incidildiklərindən təhsildən imtina edəcəklərini deyib. Məsələ ilə bağlı bəyanat verən mərkəz mütəxəssisləri hicab probleminin təhsildən yayınmalara səbəb ola biləcəyindən narahatçılıqlarını bildiriblər: "Son illər məktəbdən yayınan uşaqların faiz göstəricisi artıb. Hicab problemindən sonra islam inanclarını qəbul edən qızların oxumaq istəməmələri narahatçılıq yaradır. Prosesə bəzi dinə inanan oğlanların qoşulması da problemin dərinləşməsinə səbəb ola bilər. Buna görə də məsələyə reaksiya verilməlidir". MÜSƏLMANLAR BİLDİRDİLƏR Kİ, ONLAR HİCABDAN ƏL ÇƏKMƏYƏCƏKLƏR HƏTTA TƏHSİLLƏRİNİ YARIMÇIQ QOYSALAR BELƏ.ALLAH ONLARIN KÖMƏYİ OLSUN..... AMİN
